40. urteurrenaren egitaraua
40. urteurrena
- 2012-03-19 |
- DOLORES IBARRURI BHI
40. urteurrena ospatzen dugu!
DOLORES IBARRURI BHI 1971-72 ikasturtean jaio zen, 2011-12 ikasturte honetan, berez, 40 urte betetzen ditugu.
Programatutako ekitaldiak apirilaren 28tik maiatzaren 4ra arte izango dira.
DOLORES IBARRURI BHI 1971-72 ikasturtean jaio zen INSTITUTO NACIONAL DE ENSEÑANZA MEDIA MIXTO DE ABANTO Y CIÉRVANA delako izenarekin. Lehenengo urtean garai horretan udaletxean eman behar izan zen eskola, obrak atzeratuta zeudelako eta ezin izan zen amaitu garaiz. Hurrengo ikasturtean, 1972-73, gaur egungo lekuan hasi ziren klaseak nahiz eta hornidura osoa ez eduki, ezta urbanizazio lanak egin ere.
2011-12 ikasturte honetan, berez, 40. urteurrena ospatzen dugu eta ekitaldi kultural batzuk antolatzen ari dira zentro honetako bizitzan parte hartu duten eta parte hartzen duten pertsonek ospatzeko aukera izan dezaten.
Apirilaren 28an, larunbata, ekitaldi instituzionala ospatuko dugu eta garai horretako oroigarrien erakusketa inauguratuko dugu. Egun berean herri bazkari bat egongo da. Maiatzaren 2an, asteazkena, urte hauetan gure institutuko bizitza ezagutzen zuten pertsona batzuekin mahai inguru bat egingo da. Maiatzaren 3an, osteguna, herriko abesbatza guztiekin kontzertu koral bat burutuko da. Maiatzaren 4an, ostiralean, Bertsolari pelikula emanaldia institutuan eta Gallartatik bertso-kalejira bat egingo dugu. Maiatzaren 10ean, ostegunean, herriko ikasleen gurasoentzako hitzaldi bat egongo da. Eta amaitzeko, 13an, igandean, goizeko mendi martxa izango dugu Gallarreta Mandi Taldearen laguntzaz.